Fylkesårsmøte i Sogn og Fjordane Framstegsparti 30.-31. Januar

 

Sogn og Fjordane Framstegsparti avholdt fylkesårsmøte på Skei Hotell, Laurdag 30. Januar – Søndag 31. Januar.

 

Følgande personar er valgt til nytt fylkesstyre:

 

Fylkesleiar	Frank Willy Djuvik	Førde (2 år)
Pol. Nest leder	Åge Starheim	Selje (1 år)
Org. Nest leder	Lars Svein Drabløs	Eid (1 år)
Studie leder	Dag Christian Torvanger	Førde (1 år)
Medlems ansvarlig	Anne June Iversen	Jølster (1 år)
Styremedlem 1	Audun Hammerseth	Flora (2 år)
Styremedlem 2	Ernst  Veum	Luster (2 år)
Styremedlem 3	Idar  Kollsete	Sogndal (2 år)
Styremedlem 4	Anders Magne Vik	Stryn (2 år)
Vara 1	Rita Navarsete	Sogndal (1 år)
Vara 2	Kjell Bjørn Refvik	Vågsøy (1 år)
Vara 3	Marita  Aarvik	Selje (1 år)
Vara 4	Bjørg Sølvi Refvik	Førde (1 år)

 

I tillegg til ordinære årsmøtesaker var to teamforedrag. Redaktør i Fjordabladet, Tormod Flatebø, fortalde om relasjonen mellom politikarar og journalistar. Og tidlegare FpU-formann, no sentralstyremedlem i FrP, Trond Birkedal, fortalde om muligheter og utfordringar med dei nye sosiale mediene.

 

Vedtatte politiske uttaler og resolusjoner følger vedlagt.

 

Ein kan også sjå saker frå årsmøtet på våre heimesider: www.sognogfjordane.frp.no der vil det også i løpet av få dagar verte lagt ut video frå ein del av talane på fylkesårsmøtet.

 

For ytterlegare kommentar eller info: Fylkesleiar, Frank Willy Djuvik tlf 458 14 156 eller e-post frank.willy.djuvik@gmail.com

  

BETRE VILKÅR FOR KOMMUNESAMANSLÅING

Den siste tida har det vore ein stor debatt om dagens kommunestruktur i Sogn og Fjordane. Det er ikkje tvil om at viss ein skal klare å ha eit reelt fungerande lokaldemokrati, så er ein avhengige av at det vært større og færre kommunar, som er i stand til å handtere oppgåver som for eksempel Samhandlingsreforma vil medføre. Ein må og arbeide for at kommunane kan overta endå fleire oppgåver frå både regionalt og nasjonalt forvaltningsnivå.

I dag vert fleire og fleire oppgåver flytta ut frå folkevald styring, gjennom såkalla interkommunale selskap. Dette fører til at vi får mindre og mindre demokrati i kommunane, sidan innbyggjarane ikkje har direkte påverknad på desse selskapa. Løysinga på dette er at ein klarer å slå saman fleire kommunar til større einingar, som kan klare å handtere desse oppgåvene på eigenhand.

Viss ein skal klare å gjennomføre kommunesamanslåingar er det viktig at innbyggjarane i dei aktuelle kommunane er positive, og ser klare fordeler med ein større kommune. Det er difor viktig at kommunesamanslåingar skjer gjennom demokratiske prosessar, der innbyggjarane gjennom foleavrøysting får avgjerande mynde.

For å få ei raskare strukturendring er det viktig at det vert innført positive ordningar frå nasjonale styresmakter som gjer ein positiv effekt for innbyggjarane. Det må innførast ordningar som gjer at eventuelt bortfall av inntekter gjennom rammetilskotet eller inntektsutjamning, vert kompensert gjennom skjønnsmidlar eller ekstraordinære midlar. Det vert feil viss kommunesamanslåing fører til lågare inntekter til kommunen enn inntektene for dei samla kommunane hadde før samanslåinga.

Fylkesårsmøtet i Sogn og Fjordane FrP ber om at både Stortingsgruppe, Fylkeslag og Lokallag arbeider aktivt for å få til positive ordningar for eventuelle kommunesamanslåingar. Innbyggjarane fortener kvalitativt gode tenester, og då er vi på sikt avhengig av større einingar for å få det til.

 

FIRDA BILAG SOM AKSJESELSKAP

 

Årsmøtet i Sogn og Fjordane FrP er positiv til ei omdanning av Firda Bilag IKS til eit aksjeselskap. Det er viktig at rutebilselskapet vert gjort i stand til å konkurrere i ein fri marknad på like vilkår som andre aktørar i bransjen. Ved omdanning til eit aksjeselskap vil rutebilselskapet ha dei same føresetnadene organisatorisk og økonomisk som dei andre.

 

Årsmøtet ser heilt klart den rolla Firda Bilag har hatt som samfunnsutviklar i Sogn og Fjordane, men i dagens samfunn er det ikkje lenger naudsynt at det offentlege skal eige og drifte eit slikt selskap. Ved omdanning til eit aksjeselskap vil Firda Bilag kunne utvikle seg som eit kommersielt rutebilselskap som kan konkurrere fritt også utanfor dagens kjerneområde, og vil kunne gje økonomisk utbytte til eigarane, om desse er offentlege eller private.

 

FRITT SKULEVAL

 

I Følgje prognosane, dei neste 10 åra, vil elevtalet ved den vidaregåande skulen i Sogn og Fjordane verte redusert med ca 25%. Dette vil føre til at ein må endre dagens desentraliserte skuletilbod, ettersom ein ikkje vil kunne oppretthalde alle dei 14 vidaregåande skulane med så mykje lågare elevtal. Vi vil kunne risikere at kvaliteten og økonomien i dei vidaregåande skulane vert mykje dårlegare enn i dag viss vi ikkje gjer noko.

 

Viss ein innfører Fritt Skuleval i den vidaregåande skulen, vil det være brukarane som avgjer kva for skular ein eventuelt skal leggje ned. Då vil det være dei skulane med det beste kvalitative tilbodet som klarer å tiltrekke seg elevar. Ei strukturendring må gå føre seg på elevane sine premissar og ikkje dei fylkeskommunale politikarane

 

Årsmøtet i Sogn og Fjordane FrP krev at Sogn og Fjordane Fylkeskommune snarast innfører Fritt skuleval i fylket, slik at elevane i den vidaregåande skulen får medverke til å skape framtidas skuletilbod.

 

Rusavdelinga ved sjukehuset på Nordfjordeid må kome i gang.

 

Fylkesårsmøte i Sogn og Fjordane FrP forlangar øyeblikkeleg oppstart av rusavdelinga på Nordfjordeid.

 Rusposten på Nordfjordeid vart ferdigstilt hausten 2009, og klar til å ta imot klientar for behandling,

 Det at rusposten ikkje er opna enno, og det heller ikkje sett av midlar til drift i 2010, vitnar om dårleg planlegging frå Helse Førde.

 

Dette medfører at personar som har sterkt behov for behandling ikkje får den behandling dei har krav på, og deira livssituasjon vert forverra.

 

Fylkesårsmøte i Sogn og Fjordane FrP forlangar at statsråden syter for at det vert sett av statlege ekstramidlar til denne rusposten, noko anna vil vere å ”springe frå” lovnadar som er gjevne både av statsminister og statsråd.

 

Fylkesårsmøte i Sogn og Fjordane FrP forlangar at statsråden øyeblikkeleg pålegg Helse Førde og starte opp rusposten på Nordfjordeid, då dette er i samsvar med det Regjeringa har lovt om ei sterk satsing på rusbehandling.

 

SAMHANDLINGSREFORMA

 

Fylkesårsmøtet i Sogn og Fjordane FrP er uroa over at dei økonomiske konsekvensane ved samhandlingsreforma ikkje er godt nok utgreidde, og fryktar at kommunane ikkje skal få den økonomiske kompensasjonen som er absolutt naudsynt for at reforma skal verte vellukka og gi dei resultata som er føresett.

 

Det ser ikkje ut som det vert teke høgde for at kommunane i fleire år før innføringa av reforma, vil få meirutgifter til å byggje opp det faglege apparatet som trengst for å ta over nye oppgåver. I teorien og i prinsippet høyrest det enkelt ut å overføre oppgåver og pengar til kommunane, og så overlate til kommunane om pengane skal brukast til å utføre oppgåver i kommunal regi eller å betale for (dyrare) tenester ved sjukehusa. I praksis vil ikkje kommunane ha ressursar nok til å byggje opp tenester i kommunal regi raskt nok til å overta ansvaret frå dag ein. Dermed risikerer kommunane å måtte betale for dyrare sjukehustenester utan å være i stand til å byggje opp dei kommunale tenestene. Det er derfor avgjerande viktig at det vert ei overgangsordning på i alle fall 5 år, der det vert overført meir pengar til kommunane enn den reduksjonen som er tenkt for spesialisthelsetenesta. Det er ikkje nok å ta til dømes 20% frå sjukehusa og overføre det krone for krone til kommunane. I ein overgangsfase er det absolutt naudsynt med ein ”pukkeleffekt” på overføringane, slik at det vert overført større summar til kommunane enn det som vert reduksjonen for spesialisthelsetenesta.

 

Årsmøtet i Sogn og Fjordane FrP vil og åtvare mot den underfinansieringa som ofte har vore resultatet av statlege initierte reformer. Spesielt i ei helsereform, der det handlar om liv og helse er det viktig at kommunane vert 100% kompensert for kostnadene ved Samhandlingsreforma. Det vert feil viss helsetilbodet til innbyggjarane vert avgjort av kva kommune dei bur i.

 

Sogn og Fjordane FrPforlangar fullverdig sjukehustenester i heile fylket.

 

Helse Førde må no redusere drifta innanfor sitt ansvarsområde med 150 millionar  dei neste åra. Dette inneber eit kutt på ca. 50 millionar i 2010. Dette vil medføre dramatiske kutt i tenester på alle sjukehusa i vårt fylke.

Den raud/grøne Regjeringa sin store parole er å ta heile landet i bruk, noko vi i FrP er heilt samde i. Skal dette gjennomførast, må det handlast i form av konkrete midlar, ikkje berre i festtaler. Eit godt helsetilbod, der innbyggjarane føler tryggheit, og har tillit til at dei får dei helsetenester som dei meinar å ha krav på, ikkje minst i eit grisgrendt fylke som Sogn og Fjordane, er heilt avgjerande for å ta heile landet i bruk.

I Sogn og Fjordane er det tre aksjonsgrupper, som slåst for eit godt sjukehustilbod i sin region. Med den oppslutning som desse gruppene har, dokumentert gjennom media og ikkje minst ved folkemøter, viser at tilliten til Regjeringa og helseføretaket er svært dårleg.

Frp har synleggjort og vist vilje gjennom våre alternative budsjett at det må meir penger til innan spesialisthelsetenesta, dersom alle skal få eit fullverdig sjukehus- og akutttilbod.

Fylkesårsmøte i Sogn og Fjordane Frp krev at statsråden øyeblikkeleg gripe inn, slik att folk flest i vårt fylke kan føle tryggheit for liv og helse, og fortsatt vil bo i heile fylke

VEGSATSING I SOGN OG FJORDANE

 

Årsmøtet i Sogn og Fjordane FrP registrerer at rammene til drift og vedlikehald på fylkesvegane gjer at ein har stogga forfallet av standarden på vegane. Samstundes er det viktig å hugse på at dette ikkje gjer vegane i fylket betre, dei vert bare ikkje verre.

 

Årsmøtet vil peike på at det er viktig at standarden på vegane i Sogn og Fjordane vert auka til eit nivå som tilsvarer dei nasjonale standardane for vegnettet. Då er det svært beklageleg at fylkestinget i Sogn og Fjordane har prioritert bortimot alle vegmidlane til større prosjekt i den neste fylkesvegplanperioden, slik at resten av vegnettet ikkje vert utbetra.

 

Årsmøtet i Sogn og Fjordane FrP vil sterkt påpeike det auka behovet for vegmidlar til Sogn og Fjordane, slik at ein kan oppnå ein standard som gjer det mulig å bu, og drive næring på lik linje som i resten av landet. Vegmidlane til Sogn og Fjordane må dobblast visst ein skal klare å oppnå ein tilfredsstillande standard innan rimeleg tid.

 

Øyremerka midlar til opptrapping i barnevernet.

 

I Soria Moria 2 framgår det at regjeringa vil samarbeide med KS om en plan for styrking av det kommunale barnevernet. Statsbudsjettet skulle vere første steget i ei opptrapping av innsatsen rettet mot utsatte born og unge, dette ved at veksten i dei frie inntektene skulle gje  rom for 400 nye ansatte i kommunal barneverntjeneste.

 

Pr i dag er det berre  i Sogn og Fjordane ei kraftig auke i etterspurnaden etter fosterheimar . Medan det for 2-3 år var om lag 130 barn og unge som budde i fosterheim i vårt fylke, er vi no komne opp i 160 barn som er plasserte.

 

Barnevernets arbeid er ei blanding av støtte og kontroll. Det skal gje hjelp og støtte for at heimen skal kunne makte sitt oppdrageransvar, men det har også plikt til å gripe inn dersom dette ikkje nyttar.

Barnevernet har som si spesielle oppgåve å ta vare på dei mest utsatte borna. Det skal beskytte born mot omsorgssvikt og motvirke at born lid fysisk og psykisk overlast.

Barnevernet si hovedoppgåve er å sikre at born og unge som leve under forhold som kan skade deira eiga helse og utvikling, får naudsyn hjelp og omsorg til rett tid, samt å bidra til at born og unge får trygge oppvekstvilkår.

 

Årsmøte i Sogn og Fjordane FrP krev at overføringar frå staten til kommunane som gjeld opptrapping og forbetringstiltak innan barnevernet blir satt som øyremerka midlar.